Shëtitja e Vetëvendosjes së “varfër” nga zyra në zyrë (Foto)

Autori:Zekirja Shabani

E nisën në një shtëpi të vjetër, në kushte modeste për punë. Lëvizja Vetëvendosje hapat e parë drejtë politikës i mori në objektin që nga jashtë dukej se do të rrëzohej nga dita në ditë, në lagjen Pejton në Prishtinë.

vetvendosje 1

(Zyra e parë e Vetëvendosjes)

Por, në godinën një katëshe u bënë plane të mëdha, u organizuan protesta e u hartuan strategji për vendin.

Një nga këto strategji duket se ishte edhe akomodimi i aanëtarëve të lëvizjes në ambiente më të mira pune. Kështu shumë shpejtë e tërë struktura organizative e Vetëvendosjes u zhvendos në Rrugën Bajram Kelmendi, në Prishtinë.

vetvendosje 2

(Zyra e dytë e Vetëvendosjes)

Tani Levizja Vetëvendosje krijojë kushte më të mira pune në një objekt më modernë. Megjithatë, lideri i sajë u varfërua. Albin Kurti veq e kishte shitur banesën e tijë në lagjen Dardania për ti ndihmuar kauzës së Vetëvendosjes.

Por, as ambientet e reja duket se nuk ishin mjaftë të përshtatshme për punën e kësaj lëvizjeje “të varfër” financiarisht. Nevoja për hapësirë dhe komoditet e zhvendosi përsëri  tërë strukturën udhëheqëse të Vetëvendosjes në një lokacion të ri.

Vetëvendosje ka dalë me zyra të reja në rrugën UÇK, apo në pjesën që njihet “Te Qafa”.

vetvendosje 3

(Zyra e re e Vetëvendosjes)

Për qera në këtë objekt Vetëvendosje ka njoftuar se paguan 1800 euro në muaj, ku 1000 prej tyre janë nga buxheti i partisë derisa 800 të tjera vijnë si donacion nga biznesi “Bear Communications” në pronësi të Albesian Mala./Gazeta Fjala/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/shetitja-e-vetevendosjes-se-varfer-nga-zyra-ne-zyre-foto/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala