Eko 6 vite më parë

Shërbyesit civil të Komunës së Vitisë gjatë orarit të punës rrinë nëpër kafene

Autori:Avdyl Pajaziti

Rrjeti i organizatave joqeveritare AVONET, ka identifikuar mos respektim të orarit të punës nga shërbyesit civil të Komunës së Vitisë. Zyrtarët komunal në periudhat kohore nuk qëndrojnë në zyret e tyre, por në kafenetë afër komunës duke pirë kafe.

Kjo dukuri është duke e përcjellë këtë institucion që një periudhë të gjatë duke filluar nga shefat e sektorëve, e deri tek shërbyesit civil normal.

“AVONET konsideron se udhëheqësit dhe shefat janë të obliguar që të zbatojnë ligjin dhe udhëzimet administrative, po ashtu edhe  rregulloret dhe kodin e mirësjelljes, por jo ata që janë të obliguar për t’i respektuar të jenë shkelësit e më të mëdhenj.

Mungesa e mos shqiptimit të masave disiplinore për shërbyesit civil, krijon mos disiplinë brenda institucionit dhe neglizhencë në kryerjen e detyrave të punës”, thuhet në njoftimin e AVONET.

Kjo organizatë kërkon nga kryetari që të ndalë këtë dukuri të mos qëndrimit të shërbyesve civil në punë, sepse kjo dukuri rrit mos besimin tek qytetarët, si dhe në të njëjtën kohë krijon pakënaqësi tek shërbyesit civil që respektojnë kodin e mirësjelljes.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/sherbyesit-civil-te-komunes-se-vitise-gjate-orarit-te-punes-rrine-neper-kafene/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala