Shala: MKRS borxh rreth 1 milion e 350 mijë euro në 2014-ën

Autori:Zekirja Shabani

Artefaktet e Kosovës që i ka grabitur Serbia para e gjatë luftës, ministri Shala ka thënë se nuk mund t’i zgjidhë e t’i kthejë vetëm ministria që udhëheq.

Ministri i Kulturës, Rinisë dhe Sportit, Kujtim Shala, në këtë intervistë për gazetën “Epoka e re” ka bërë me dije se disa grupe punuese të kësaj ministrie janë duke draftuar disa strategji plotësuese që ta plotësojnë legjislacionin sekondar të cilin e kanë trashëguar me mangësi të shumta.

Ai ka thënë se detyrimet financiare e kanë kushtëzuar mundësinë e përkrahjes më të madhe, pasi paratë që kanë kërkuar aplikuesit në 2015-n, kjo ministri i ka pasur borxh rreth 1 milion e 350 mijë euro në 2014-n, të cilat është dashur t’i shlyejë para se të futet në borxhe të tilla.

Artefaktet e Kosovës që i ka grabitur Serbia para e gjatë luftës, ministri Shala ka thënë se nuk mund t’i zgjidhë e t’i kthejë vetëm ministria që udhëheq, por për to duhet të angazhohen edhe institucionet e tjera shtetërore të Kosovës.

Shala ka treguar se këshillëtart e rinj që ka emëruar kanë dhënë shenja të dukshme për punë të mirë. I pyetur se deri kur do ta udhëheqë MKRS-në, Shala ka thënë se do të jetë aty derisa ta përmbushë mandatin.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/shala-mkrs-borxh-rreth-1-milion-e-350-mije-euro-ne-2014-en/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala