Serbia e do me çdo kusht Asociacionin e Komunave

Autori:Avdyl Pajaziti

Marko Gjuriq, drejtor i zyrës për Kosovë në Qeverinë e Serbisë, ka thënë se javën e ardhshme në Bruksel do të diskutohet për krijimin e asociacionit dhe çështje të tjera që përfshin agjenda e Brukselit.

Konstituimi i Asociacionit të Komunave Serbe, është kushti që serbët të ndihet të sigurt dhe të lirë, tha Marko Gjuriq, pas bisedimeve me përfaqësuesit e misioneve ndërkombëtare dhe me komunitetin serb në Prishtinë.

“15 vjet pas luftës dhe vuajtjeve, Serbët në provincën e Kosovës, pritet të jenë të lirë dhe të sigurt. Mënyra më e mirë për të arritur sigurinë e tyre është përmes respektimit të marrëveshjes së Brukselit dhe krijimit të Asociacionit të Komunave Serbe (AKS), ka thënë Gjuriq për Radio Televizionin e Serbisë, transmeton Klan Kosova.

Ai e ka theksuar se themelimi i AKS, është objektivi kryesor i Beogradit, që tentohet të përmbushet në të gjitha dialogjet me Prishtinën.

“Javën e ardhshme në Bruksel do të diskutohet për krijimin e asociacionit dhe çështje të tjera që përfshin agjenda e Brukselit”, ka thënë drejtori i zyrës për Kosovë në Qeverinë e Serbisë.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/serbia-e-do-me-cdo-kusht-asociacionin-e-komunave/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala