Serbia bllokon librat e Kosovës në Luginë

Autori:Avdyl Pajaziti

Kanë kaluar më se dy javë që kur Ministria e Arsimit e Kosovës ka dhuruar mbi 100 mijë libra shkollorë për nxënësit e shkollave fillore të Luginës së Preshevës.

Por, librat ende nuk i kanë parë nxënësit, dhe ata edhe më tej vazhdojnë që dijen e tyre ta nxënë përmes metodës së shënimeve.

Librat kanë hyrë në Serbi për herë të parë legalisht, por autoritetet doganore po vazhdojnë t’i mbajnë ato në terminalin doganor, raporton televizioni publik i Kosovës.

Prolongimi i procesit të doganimit të librave shkollorë të cilat u dhuruan për nxënësit shqiptarë në Luginë, sipas përfaqësuesve të Këshillit Nacional Shqiptar, po bëhet me qëllim.

Sipas deputetit Shaip Kamberi, mbështetja e shqiptarëve të Luginës së Preshevës nga institucionet e Republikës së Kosovës, për Serbinë është e papranueshme.

“Përkundër faktit se librat nuk përputhen plotësisht me planprogramet arsimore serbe, megjithatë do të mund të gjenin aplikim. Por, ndalesa e tyre është problem politik”, thuhet në Komisionin për Arsim.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/serbia-bllokon-librat-e-kosoves-ne-lugine/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala