Lajme 5 vite më parë

Serbët ndalojnë ministrin Hotin të shkojë në Leposaviq

Autori:Gazeta Fjala

Ministri  i Financave, Avdulla Hoti, së bashku me drejtorin e Doganave të Kosovës, Lulzim Rafunën, janë ndalur sot rrugës për në Leposaviq.

Këtë ndalesë e kanë shkaktuar serbët lokal të cilët e kishin bllokuar rrugën,njofton Klan Kosova.

Kjo bllokadë sipas gazetarit të Klan Kosovës, Besnik Tahiri, që është në vendin e ngjarjes ka ardhur pasi serbët këtë bllokadë e kanë bërë në shenjë proteste, por nuk dihen saktë arsyet e saj.

Sipas disa dëshmitarëve të rastit thuhet se protesta është bërë për shkakun se serbët janë të pakënaqur me pagat  që shteti serb nuk i ka kryer ndaj tyre.

Ministri Hoti së bashku me drejtorin e Doganave, momentalisht gjenden në Mitrovicën e Jugut, njofton Klan Kosova.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/serbet-ndalojne-ministrin-hotin-te-shkoje-ne-leposaviq/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala