Serbët: “Kosova do të antarësohet në OKB”

Autori:Avdyl Pajaziti

Perëndimi planifikon anëtarësimin e Kosovës në OKB dhe organizatat e tjera ndërkombëtare. Mediat serbe vazhdojnë aludimet lidhur me nënshkrimin e marrëveshjes së obligueshme ndërkombëtare mes Prishtinës dhe Beogradit.

Gazeta serbe “Blic” shkruan se, Perëndimi planifikon që me këtë dokument t’i mundësohet Kosovës anëtarësimi në OKB, Këshillin e Evropës, OSBE dhe në të gjitha organizatat e tjera ndërkombëtare.

“Marrëveshja e re me Prishtinën, e njohur si ‘Bruksel 2’, që ka peshën e marrëveshjes ndërkombëtare është e parashikuar me kornizën strategjike të BE-së për bisedime me Serbinë dhe duhet të nënshkruhet deri në fund të bisedimeve. Nga ana tjetër qëllimi i qeverisë në Beograd është që Serbia të anëtarësohet në BE brenda vitit 2018”.

Qëllimi i Perëndimit është që Kosova të anëtarësohet në OKB dhe kjo, sipas gazetës serbe është tashmë ‘fshehtësi publike’ në qarqet diplomatike dhe se kreu i shtetit serb është njoftuar për këtë, transmeton RTK.

“Edhe pse burimet perëndimore theksojnë se anëtarësimi i Kosovës në OKB nuk do të thotë se, Beogradi po e formalizon njohjen ‘de jure’ të pavarësisë së Kosovës, por kjo është në pajtim të modelit të ‘dy Gjermanive’”, shkruan më tej gazeta serbe.

Sipas “Blic”, kancelarja gjermane, Angela Merkel gjatë vizitës në Beograd më 8 dhe 9 korrik, do ta paraqesë para kryeministri Vuçiç qëndrimin se, Kosova duhet të hyjë në OKB.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/serbet-kosova-do-te-antaresohet-ne-okb/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala