Selimi: Albin Kurti mund të jetë njeri i Serbisë

Autori:Avdyl Pajaziti

Zëvendësministri i Punëve të Jashtme, Petrit Selimi, në emisionin Info Magazine, duke komentuar zhvillimet e fundit në vend, ka thënë se nënshkrimet që kërkohet të tërhiqen nga VV-ja do të mbeten.

“Këta nuk dëshirojnë të flasin, nënshkrimet nuk mund të tërhiqen. Demarakacioni është në rregull nuk po humben 10 mijë hektarë”, tha Selimi, njofton Klan Kosova.

Sa i përket koalicioni me LDK-në ai ka thënë se është i qëndrueshëm, ndërsa Hashim Thaçi do të jetë president i ri i Kosovës.

“Kurrë më mirë se tani nuk ka qenë koalicioni. Kjo tregon sa irracional janë Vetëvendosja dhe se ky koalicion është i duhuri për integrim të vendit. Vetëvendosja nuk po dëshiron debat as për Asociacionin as për asgjë, e dëshirojnë vetëm revolucionin”.

“Edhe po të tërhiqen nënshkrimet këta përsëri do të kërkojnë diçka tjetër si shkas për të përdorur dhunën”.

“Hashim Thaçi, me kismet do të jetë president, madje më i miri që ka pas Kosova deri tani”.

Ai poashtu ka thënë se Albin Kurti mund të jetë njeri i Serbisë.

“Serbia irritohet me Hashim Thaçin e kanë halë në sy, por jo Albin Kurtin. Bile ndoshta Albini është njeri i tyre. Këto veprime tregojnë diçka”, tha ai.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/selimi-albin-kurti-mund-te-jete-njeri-i-serbise/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala