Lajme 6 vite më parë

Sekuestrohen 4 kamionë me dru

Autori:Avdyl Pajaziti

Njësitë patrulluese të Stacionit Policor në Suharekë, gjatë orëve të mëngjesit kanë arritur të ndalojnë katër kamionë të mbushur me masë drusore për ngrohje e cila me gjasë ishte prerë ilegalisht në bjeshkët mbi fshatin Mushtisht.

Dy kamionë janë ndaluar në rrugën magjistrale Prizren-Suharekë ndërsa dy të tjerë në afërsi të fshatit Sopijë.

Kamionët janë deponuar në depon e pylltarisë ndërkaq policia ka ngritur kallëzim penal ndaj katër shoferëve të dyshuar, të gjithë nga fshati Vraniq.

Masa drusore prej rreth 30 metra kub dhe mjetet me të cilat është kryer vepra penale janë sekuestruar në cilësi të provës materiale.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/sekuestrohen-4-kamione-me-dru/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala