Samsung lë prapa Apple-n

Autori:Avdyl Pajaziti

Samsung Galaxy Note 4 ka kryesuar grafikun e kënaqësisë së konsumatorëve, duke lënë pas Apple iPhone 6 dhe iPhone 6 Plus. Sipas të dhënave që vijnë nga Indeksi i Kënaqësisë së Konsumatorëve, nga Universiteti Miçigan, konsumatorët e Samsung janë më të kënaqurit me pajisjet e tyre.

Galaxy Note 4, i cili u hodh në treg tetorin e vitit të kaluar, shënoi 86 pikë nga 100 pikë të mundshme, ndërsa telefonat inteligjentë më të fundit të Apple-it u renditën në vend të dytë me 82 pikë secili. Galaxy Note 3 dhe Galaxy S5 kishin gjithashtu të njëjtat pikë me telefonat inteligjentë të Apple-it.

Duhet të theksojmë se pajisja më e fundit e Samsung-ut, Galaxy S6, nuk ishte hedhur akoma në treg kur është kryer ky studim, prandaj nuk është përfshirë në grafik.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/samsung-le-prapa-apple-n/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala