Samsung do të prodhojë ekrane për iPhone-t e ardhshëm

Autori:Avdyl Pajaziti

Nga një burim i afërt me kompaninë koreano-jugore mësohet se do të kemi një bashkëpunim të mundshëm midis dy gjigantëve të teknologjisë. Samsung do të prodhojë panelet OLED për iPhone-t e ardhshëm. Nuk është vendosur akoma një marrëveshje përfundimtare, por si duket do të ndodhë së shpejti.

Kompania koreane po prodhon më shumë ekrane OLED që të mbulojë në kohë të gjitha kërkesat. Samsung madje ka vendosur të ndërtojë një fabrikë, që do të përdoret vetëm për të prodhuar ekrane OLED për Apple-in. Me shumë mundësi edhe Apple do të japë kontributin e saj financiar për ndërtimin e kësaj fabrike. Nëse ky lajm do të jetë i vërtetë, atëherë Samsung mund të bëhet furnizuesi më i madh i ekraneve, duke lënë pas kompaninë LG. Samsung po prodhon aktualisht panele OLED për Apple Watch.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/samsung-do-te-prodhoje-ekrane-per-iphone-t-e-ardhshem/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala