Sami Lushtaku do të transferohet në Burgun e Sigurisë së Lartë në Gërdofc

Autori:Gazeta Fjala

Gjykata Themelore e Mitrovicës ka marrë vendim të martën që Sami Lushtaku të transferohet në Burgun e Sigurisë së Lartë në Gërdofc të Podujevës, ka njoftuar zeëdhënsja e EULEX-it, Besa Domi.

Vendimi është marrë pas një seance që ka përfunduar pak para mesnatës, merr vesh Koha.net.

Sami Lushtaku është dënuar më 12 vjet burgim për krime lufte. Ai dje pasdite u arrestua në Prishtinë, pak kohë pasi ishte sjellë në QKUK për trajtim. Lushtaku u kishte humbur gardianëve që e kishin sjellë aty, por policia e EULEX-it që po vëzhgonte lëvizjet e tij tash e disa muaj, e kapi jashtë ambienteve spitalore.

Edhe më herët është raportuar se Lushtaku, ndonëse nën regjimin e të burgosurit, shpesh është gjetur jashtë ambienteve të burgut.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/sami-lushtaku-do-te-transferohet-ne-burgun-e-sigurise-se-larte-ne-gerdofc/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala