Sali Berisha kërkon revolucion në Shqipëri

Autori:Avdyl Pajaziti

 

Ish-kryeministri i Shqipërisë, Sali Berisha, ka thënë se vetëm një revolucion demokratik paqësor e shkul krimin nga qeveria dhe Parlamenti shqiptar.

Sipas tij, Mark Frroku është fytyra e vërtetë e këtij Parlamenti dhe se Rama-Meta-Tahiri kanë fshehur të vërtetën për 6 muaj për planin e vrasjes së dy deputetëve.

Ish-kryeministri shqiptar ka theksuar se Meta ka frikë nga arrestimi, ndaj nuk e jep dorëheqjen dhe se në situatën e krijuar, revolucioni demokratik paqësor është përgjigjja vendimtare për sigurinë e çdo njeriu në vend.

“Mark Frroku është fytyra e këtij Parlamenti. Është fytyra e kësaj qeverie. Bosi i tij është Ilir Meta dhe duhet t’u bëj apel qytetarëve shqiptare se rruga e vetme për të hapur horizontet e së ardhmes është revolucioni demokratik paqësor. Ky revolucion është përgjigja e qytetarëve për sigurinë e çdo njeriu, për mirëqenien, për punësimin dhe për të ecur drejt Europës. Ndryshe, ju garantoj se Mark Frrokrit do shkojnë lart e më lart”, ka thënë Berisha.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/sali-berisha-kerkon-revulucion-ne-shqiperi/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala