Sabri Hamiti “shkarkohet”, Vjosa Osmani përjashtohet

Autori:Avdyl Pajaziti

Nga LDK shumë shpejt do të bëhet publike lista me emrat e anëtarëve të kryesisë, listë e kjo e cila do të jetë e përbërë nga figura të reja të partisë.

Sipas një burimi të Bota Press brenda LDK-së, kryetari Isa Mustafa ka vendosur që për nënkryetar të partisë të emëroj figurat kyçe në LDK, siç janë Haki Rugova, Agim Veliu e Lutfi Haziri. Që të tre këta emra që shumë shpejt pritet të emërohen si nënkryetar të LDK-së, janë kryetar në komunat nga të cilat vijnë

Lidhja Demokratike e Kosovës pas mbajtjes së Kuvendit të VIII-të, zgjedhjes së kryetarit dhe të Këshillit të Përgjithshëm, tashmë është në fazën finale edhe të zgjedhjes së anëtarëve të rinj të kryesisë.

Sipas këktij burimi kryetari Isa Mustafa ka vendosur që për nënkryetar të partisë të emëroj figurat kyqe në LDK, siç janë Haki Rugova, Agim Veliu e Lutfi Haziri. Që të tre këta emra që shumë shpejt pritet të emerohen si nënkryetar të LDK-së, janë kryetar në komunat nga të cilat vijnë.

Vjosa Osmani jo vetëm se nuk është përfshirë në Këshillin e Përgjithshëm, por ajo më nuk do të jetë as pjesë e kryesisë së LDK-së.

Kështu po sipas këtij burimi, as Sabri Hamiti nuk do të jetë më nënkryetar i LDK-së.

Brenda kryesisë do të ketë edhe ndryshime të tjerë. Sipas këtij burimi në kryesi do të jenë pesë emra të rinj, të cilët deri më tash nuk kanë qenë pjesë e kryesisë së LDK-së. Anëtarë të kryesisë pritet të jenë edhe ministri Avdullah Hoti, deputeti Sadri Ferati dhe kryetari i Ferizajt Muharrem Sfarqa.

Pjesë e kësaj liste besohet se do të jete Ismet Beqiri, i cili duket se sërish do ta mbajë postin e sekretarit të përgjithshëm të partisë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/sabri-hamiti-shkarkohet-vjosa-osmani-perjashtohet/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala