Rugova: Po, Thaçi ka qenë pjesë e LDK-së

Autori:Avdyl Pajaziti

Deklarata e autorit të emisionit “Pa rrotulla”, Milami Zeka, se kryetari i PDK-së, Hashim Thaçi si dhe ish-kryetari i Kuvendit, Jakup Krasniqi ishin pjesë e LDK-së, po del të jetë i vërtetë.

Zyrtarë të Lidhjes Demokratike të Kosovës kanë konfirmuar se nga formimi i partisë në atë periudhë si lëvizje të gjithë kanë qenë pjesë e LDK-së.

Nënkryetari i këtij subjekti, Haki Rugova ka treguar për pozitën që kishte Krasniqi si dhe ish-kryeministri i Republikës, Hashim Thaçi.

“Me formimin e LDK-së në atë periudhë si lëvizje të gjithë ka qenë pjesë e LDK-së. Ka qenë partia e parë në trojet shqiptare, në periudhën më të re dhe ka qenë e natyrshme që kanë qenë pjesë e saj. Jakup Krasniqi ishte kryetar i Degës në komunën e Drenasit dhe që ka marrë pjesë disa herë në mbledhje me presidentin, Ibrahim Rugova. Unë jam vet dëshmitar i atyre ngjarjeve”, ka thënë Haki Rugova.

Kurse për të parin e PDK-së, gjithashtu konfirmohet se si ri ishte i kyçur në partinë e Dr. Ibrahim Rugovës.

“Thaçi ka qenë më i ri. Edhe ai thuhet se ka qenë pjesë e LDK-së si rini. Kjo është një zhvillim demokratik që ka ndodhë në atë kohë”, ka thënë në fund nënkryetari i LDK-së. /Zëri

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/rugova-po-thaci-ka-qene-pjese-e-ldk-se/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala