Rruga e Kombit mbulohet nga bora, vështirësi në qarkullim

Autori:Avdyl Pajaziti

Reshjet e dendura të borës që kanë rënë gjatë paradites së të premtes në Rrugën e Kombit kanë vështirësuar qarkullimin e automjeteve.

Trashësia e borës ka shkuar në nivelin e 7 cm , ndërkohë që temperaturat e ulëta kanë sjellë ngrica në rrugë. Kompania të cilës i ka mbaruar kontrata prej 3 muajsh ka ndërhyrë me borëpastruese duke pastruar rrugën, përgjatë së cilës është hedhur dhe kripë.

Shtabi i Emergjencave Civile Kukës u bën thirrje drejtuesve të mjeteve të bëjnë kujdes, sidomos gjatë qarkullimit në zonat e thella malore.

Abdulla Domi, sekretar i Institucionit të Prefektit: Ka borë në zonat e Bushtricës dhe Shishtavecit. Momentalisht rrugët janë të qarkullueshme. Vëmendja e Shtabit është tek Rruga e Kombit, e cila, edhe pse nuk përfundoi në koncesionim, firma e cila e ka mbajtur deri tani vazhdon ta mbajë. Ka pasur rrëshqitje të dherave, por nuk ka pasur problem.

Reshje bore ka pasur edhe në zonat e Dibrës dhe të Pukës, ndërkohë që nuk janë vërejtur probleme me qarkullimin.

Mesditën e së premtes reshjet e para të borës kanë nisur dhe në fshatin turistik të Dardhës në Korçë, por pa krijuar probleme me rrugët.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/rruga-e-kombit-mbulohet-nga-bora-veshtiresi-ne-qarkullim/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala