Rritet fitimi i bankave

Autori:Zekirja Shabani

Sistemi bankar ka vijuar tendencën e tij pozitive përsa i përket fitimeve edhe në muajt e parë të këtij viti. Sipas statistikave mujore të Shoqatës së Bankave, për periudhën janar-shkurt, fitimi i sistemit bankar në Shqipëri arriti në 5.4 miliardë lekë, me një rritje prej 83% në raport me të njëjtën periudhë të vitit të kaluar.

Rritja e fitimit ka çuar dhe në përmirësimin e ndjeshëm të treguesve të rentabilitetit. Kthyeshëria nga aktivet u rrit në 2.5% në shkurt 2015, nga 1.4% që ishte në të njëjtin muaj të një viti më parë.

Kthyeshmëria nga kapitali arriti në 28.3%, nga 16.9% një vit më parë.

Ulja e kredive me probleme i ka ]liruara bankat nga shpenzimet e larta për provigjione, që vitet e fundit kishin gërryer fitimete bankave. Statistikat mujore të Shoqatës së bankave bëjnë të ditur se niveli i kredive me probleme (NPL) ishte 22.5% e totalit në shkurt 2015, duke shënuar rënie në krahasim me fundin e 2014-s, kur ishte 22.8% (po kaq qëndroi dhe në janar).

Në vitin 2014, Sistemi bankar shqiptar ka deklaruar fitime prej 11.1 miliardë lekësh (rreth 80 milionë euro), niveli më i lartë rekord i arritur ndonjëherë, sipas statistikave tremujore të publikuara nga Banka e Shqipërisë. Më parë, rekordi ishte vendosur në 2007-n, kur sistemi bankar raportoi fitime prej 10.5 miliardë lekësh.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/rritet-fitimi-i-bankave/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala