Rrëzohet helikopteri, vriten ambasador i Norvegjisë dhe i Filipineve

Autori:Avdyl Pajaziti

Ambasador i Norvegjisë dhe ai i Filipineve janë në mesin e të paktën gjashtë personave të tjerë të vrarë në një aksident që ndodhi sot në Pakistanin verior.
Helikopteri ushtarak u rrëzua gjatë një ulje emergjente në luginën Naltar.

Gruaja e ambasadorit të Indonezisë dhe ajo e atij të Malajzisë, si dhe dy pilotët pakistanezë, vdiqën gjithashtu në këtë aksident, njofton BBC.

Diplomatët po udhëtonin në një pjesë të rajonit të kontestuar, Kashmirit, për të ndjekur hapjen e një projekti të turizmit atje.

Zëdhënësi ushtarak, Asim Bajwa, në një postim në Twitter, tha se pesë persona të tjerë që ishin u helikopterë u plagosën, duke përfshirë edhe ambasadorin holandez dhe atë polak.

Njëmbëdhjetë huajt dhe gjashtë pakistanezë ishin në bordin e helikopterit MI-17, shkaku i rrëzimit të të cilit ende nuk është bërë i ditur.

Kryeministri pakistanez, Nawaz Sharif ishte planifikuar të përurojë objektin turistik, por avioni i tij ndryshoi drejtimin pasi u njoftua për aksidentin tragjik.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/rrezohet-helikopteri-vriten-ambasador-i-norvegjise-dhe-i-filipineve/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala