Rrëfimi i amerikanit që u mbijetoi dy sulmeve terroriste

Autori:Avdyl Pajaziti

Një amerikan i cili u arratis nga terroristët gjatë koncertit të grupit të rrokut në Bataclan, natën e sulmeve në Paris, mund të quhet njeriu më me fat në botë. Ai i ka mbijetuar edhe sulmit të shtatorit në vitin 2001 në Nju Jork.

36-vjeçari i quajtur Matthew u qëllua në këmbë nga sulmuesit në Bataclan, por u hoq sikur kishte vdekur dhe u zvarrit për të dalë jashtë, teksa vrasësit rimbushnin armët e tyre.

“Fillova të zvarritesha centimetër pas centimetri”, tregon Matthew. Menjëherë pasi doli jashtë sallës së koncertit, ai u gjet nga Daniel Psenny, një gazetar i “Le Monde”, dhe një burrë tjetër, që filluan ta tërhiqnin zvarrë.

Ky ishte rasti i dytë nga i cili Matthew dilte i gjallë. Në 11 shtator të vitit 2001 ai kishte qenë në një rrugë më poshtë Qendrës Botërore të Tregtisë në Nju Jork. Ai ishte në një takim pune, kur një aeroplan i “United Airlines” goditi një prej Kullave Binjake.

“Vrapova në gjysmën e Manhattan’in. Por ajo që më ndodhi në Bataclan ishte 1 000 herë më keq”, thotë Matthew, teksa rrëfen ngjarjen për “The Independent”.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/rrefimi-i-amerikanit-qe-u-mbijetoi-dy-sulmeve-terroriste/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala