Rihapet bursa e Athinës, rënie e madhe e aksioneve

Autori:Avdyl Pajaziti

Tregu i aksioneve të Greqisë, i rihapur tashmë pas pesë javësh , ndodhet në valën më të egër të shitjes në dekada, duke nënvizuar një krizë që dëmtoi ekonominë dhe vuri në dyshim anëtarësimin e vendit në eurozonë.

Piraeus Bank dhe Banka Kombëtare e Greqisë pësuan sot një zbritje prej 30 përqind, maksimumi ditor i lejuar nga ana e Bursës së Athinës. Indeksi i ASE ka rënë 16 për qind në orën 2:56 në Athinë, pas rënie gjatë gjithë ditës më shumë që 23 për qind, shkruan Bloomberg.

Me udhëzimin e BQE dhe e Bankës Qendrore të Athinës, edhe sot investitorëve vendas nuk u lejohet të blejnë aksione me paratë që rrjedhin nga llogaritë e tyre bankare, por vetëm me ato kesh që zotërojnë në kasafortat bankare ose shtëpiake.

“Situata në tregjet e kapitalit grek kanë për të marrë një rrugë shumë më keq se sa tani,” tha Luca Paolini, shefi i Menaxhimit të Aseteve Pictet në Londër. “Ka rreziqe ende kritike për t’u zgjidhur.”- shtoi ai.

Analistët shpjegojnë se kjo tregon shkallën e krizës me të cilën ende po përballet kryeministri Aleksis Tsipras, teksa po negocion një paketë shpëtimi të tretë me kreditorët e saj, pas gjashtë muajsh që kanë vendosur tendosjen më të madhe në ekonominë greke dhe sistemin e saj financiar.

Rihapja e tregut të aksioneve është vonuar disa herë, gjatë fundit të Korrikut, në pritje të një vendimi qeveritar, ndërsa u vendos më në fund të hapet sot. Takimi i zhvilluar të Shtunën në Athinë, mes ministrit të Financave, Euklidis Tsakalotos, ministrit të Ekonomisë, Giorgos Stathakis dhe përfaqësuesve të kreditorëve ndërkombëtarë është karakterizuar nga një klimë pozitive, shkruajnë mediat vendase./Monitor

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/rihape-bursa-e-athines-renie-e-madhe-e-aksioneve/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala