Lajme 6 vite më parë

Rezoluta për padinë ndaj Serbisë së shpejti në Kuvend

Autori:Avdyl Pajaziti

Në një nga seancat e radhës Kuvendi i Kosovës do ta votoj rezolutën e propozuar nga PDK-ja me të cilën do të ngritet padi ndaj Serbisë për krimet e kryera në Kosovë. Këtë e konfirmoj vet kryetari i Kuvendit Kadri Veseli, i cili tha se kjo ka mbetur për t’u harmonizuar me grupet tjera parlamentare.

Por, opozita e quan këtë lojë të PDK-së, për ta mbuluar themelimin e Gjykatës Speciale, e cila është një sistem paralel e sistemit të drejtësisë në Kosovë.

Kryetari i Kuvendit, Kadri Veseli tha se rezoluta është e sponsorizuar nga grupi parlamentar i PDK-së dhe po sa të harmonizohet edhe me opozitën, ajo do të shkojë në seancë për votim.

“Rezoluta e sponsorizuar nga grupi parlamentar i PDK-së për dënimin e krimeve që ka bërë Serbia në Kosovë do të trajtohet. Sot e patëm në mbledhjen e kryesisë dhe grupeve parlamentare, e kemi lënë një harmonizim të qëndrimeve të grupeve parlamentare dhe shumë besoj që mbledhjen e radhës të seancës plenare do të jetë pjesë e votimit”, tha Veseli.

Por jo të sinqertë e vlerësojnë këtë rezolutë grupet parlamentare opozitare. Shefja e grupit parlamentar të AAK-së, Donika Kadaj-Bujupi, tha se PDK e ka sjell këtë rezolutë për të neutralizuar themelimin e Gjykatës Speciale, e cila është komplet paralele me sistemin e drejtësisë në vend.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/rezoluta-per-padine-ndaj-serbise-se-shpejti-ne-kuvend/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala