Lajme 5 vite më parë

Rektori Zejnullahu sot ishte në Qeveri (Foto)

Autori:Avdyl Pajaziti

Ramadan Zejnullahu, sot ka vizituar Qeverinë e Kosovës, me gjasë për t’u konsultuar, para se të vendos nëse do të kthehet sërish si rektor, nga ku fillimisht u shkarkua, e më pas u rikthye aty përmes një vendimi të ministrit të Arsimit, Arsim Bajrami, i cili shfuqizoi vendimin e Këshillit Drejtues të UP-së, për shkarkimin e tij.
Rektori Ramadan Zejnullahu, ende nuk ka folur publikisht nëse do të pranojë të rikthehet në krye të Universitetit të Prishtinës.

Ai ditë më parë u shkarkua nga posti i rektorit, përmes një vendimi të Këshillit Drejtues të UP-së. Por ky vendim u shfuqizua nga ministri i Arsimit, Arsim Bajrami.

Edhe pse ministri Bajrami, edhe publikisht kishte ftuar Zejnullahun të rikthehej në vendin e tij të punës, ky i fundit ende nuk ka folur nëse do të pranojë shkojë sërish në zyrën nga ku javën e kaluar u detyrua të dal.

Rektori Ramadan Zejnullahu

Lajmi.net, ka siguruar fotografi të cilat dëshmojnë se Zejnullahu sot ka vizituar Qeverinë, e cila në mbledhjen e fundit të mbajtur të shtunën ka marr vendim që Universitetin Publik të Prishtinës ta dërgojnë në zgjedhje të parakohshme.

Sipas këtij vendimi, UP do t’i nënshtrohet zgjedhjeve në 2-3 muajt e ardhshëm dhe i gjithë procesi pritet të përfundojë më së largu në mars të vitit të ardhshëm.

Ky vendim kishte ardhur pas votimit në Këshillin Drejtues të UP-së, për shkarkimin Zejnullahut dhe vendimit të MASHT-it për ta kthyer atë në pozitën e rektorit. /lajmi.net

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/rektori-zejnullahu-sot-ishte-ne-qeveri-foto/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala