Raportimi problematik i Hikmete Bajramit

Autori:Avdyl Pajaziti

Ministrja e Tregtisë e Industrisë, Hikmete Bajrami do të ketë goxha punë sot në komisionin për Zhvillim Ekonomik, Infrastrukturë, Tregti dhe Industri në Kuvendin e Kosovës. Ajo do të raportojë për disa çështje para komisionit. Mungesa e investimeve të huaja dhe ambienti i keq për investime do të jetë pika e parë e raportimit të saj. Gazeta Fjala merr vesh se nga Bajrami do të kërkohet urgjentisht përmirësimi i klimës që vendi të merr hov të zhvillimit ekonomik.

Gjithashtu ministres Hikmete Bajrami do ti kërkohet llogari madje me shkrim  lidhur me për tregun e naftës dhe derivatet e saja, strukturën e çmimit, lëvizjen e çmimit dhe sigurimin e cilësisë. Gazeta Fjala merr vesh se deputetët të shtyrë edhe nga grupe të interesit, konkretisht nga naftëtarët do të kërkojnë me ngulm krijimin e rregullatorit të naftës.

Gjithashtu gazeta merr vesh sa i përket cilësisë së naftës ministria ka përgaditutur një raport me analiza për dhjetëra mostra të marra nga pompat e shitjes, mirëpo gjithashtu merret vesh se rezultatet e tyre nuk janë aspak të sakta në mungesë të kohës së mjaftueshme për analizimin e tyre.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/raportimi-problematik-i-hikmete-bajramit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala