Qumështi Aptamil kthehet në treg

Autori:Zekirja Shabani

Agjencia e Ushqimit dhe Veterinarisë kaa njoftuar se nga e mërkura qumështi Aptamil pluhur për fëmijë do të rikthehet ne treg për konsum.

“Të gjitha mostrat e dërguara për analiza laboratorike të këtij produkti kanë rezultuar brenda parametrave të lejuar për konsum. Ne këtë rast ne morëm mostra për të vërtetuar sigurinë e këtij produkti. Ku përmes rezultateve laboratorike u vërtetua siguria e tije. Inspektorati Sanitar i AUV-së me procesverbal ka vendosur se ky produkt është plotësisht i sigurte dhe lejohet për konsum. Sipas ligjeve në fuqi rezultatet e analizave laboratorike janë argumenti kryesor qe vërteton gjendjen shëndetësore të produkteve ushqimore”, thuhet në njoftimin e AUV-së.

Sipas zyrtarëve të këtij insttitucioni AUV në çdo kohë është këtu për të garantuar sigurinë e produkteve qe konsumohen nga qytetaret.

“Jemi të angazhuar me të gjitha kapacitetet, në çdo kohë të dëshmojmë se kontrolli qe ne jemi duke bërë për produktet ushqimore pa dallim, qofshin ato import apo prodhim vendorë  kur dalin ne treg për shitje jenë të sigurta dhe të shëndetshme. Bashkërisht të gjithë: konsumatori, prodhuesi, tregtuesi i ushqimeve dhe ne vet si Autoritet me i lartë kompetentë për kontrolle të ushqimeve do të punojmë ngushtë ne të mirë të shëndetit të përgjithshëm publikë”.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/qumeshti-aptamil-kthehet-ne-treg/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala