Qeveria e nuk ndan 97 mijë Eurot për dëmet e trazirave të marsit

Autori:Avdyl Pajaziti

Qeveria e Kosovës në mbledhjen e sotme anuloi vendimin për ndarjen e mjeteve rreth dëmeve të shkaktuara në trazirat e marsit 2004.

Qeveria planifikonte të ndante 97 mijë euro për të sanuar dëmet e trazirave të 17 e 18 marsit 2004, por në mbledhjen e sotme anuloi këtë vendim.

Gjithashtu ekzekutivi anuloi edhe vendimin për dhënien e mjeteve financiare për Komunën e Shtërpcës.

Kryeministri propozoi që të anulohen këto vendime, derisa të mos ketë vendime të formës së prerë të gjykatave për këto çështje.

Ai kërkoi apelimin e vendimeve të gjykatave, ndërsa qeveria nuk do të ekzekutojë këto vendime derisa proceset gjyqësore të shkojnë në shkallën e fundit.

Mustafa njoftoi kabinetin qeveritar edhe për vizitën në New York.

“Kemi marrë pjesë në Samitin Global të Liderëve për Luftë Kundër ISIS-it dhe ekstremizmit të dhunshëm me ftesë të presidentit të SHBA-ve. Jemi trajtuar në mënyrë të barabartë sikurse edhe gjitha vendet e tjera në selinë e Kombeve të Bashkuara”, tha ai.

Ai përmendi edhe çështjet tjera për të cilat delegacioni kosovar loboi gjatë kësaj vizite.

“Një ndër çështjet që e kemi shpreh në gjitha takimet ka qenë anëtarësimi jonë në UNESCO. Kemi bisedu edhe për përkrahjen e tyre sa i përket liberalizimit të vizave, kemi bisedu lidhur me anëtarësimin e Kosovës në INTERPOL, për procese tjera euroatlantike dhe për përkrahjen e tyre për shndërrimin e FSK-së në Forca të Armatosdura të Kosovës”, sqaroi Mustafa. /kallxo.com/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/qeveria-e-nuk-ndan-97-mije-eurot-per-demet-e-trazirave-te-marsit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala