Alternativa 6 vite më parë

Punëtori i hotelit vishet si xhihadist, pushuesit tmerrohen

Autori:Avdyl Pajaziti

Disa turistë britanikë janë tmerruar pasi një pjesëtar i hotelit ku ata qëndronin, u vesh si një militant i ISIS dhe madje bëri sikur kishte një armë. Sapo panë njeriun e maskuar, turistët u larguan që të shpëtonin jetën e tyre.

Punëtori i një hoteli në Turqi, identiteti i të cilit nuk bëhet i ditur, kishte veshur një rrobë të zezë dhe një maskë. Ai doli përpara pushuesve në pishinën e hotelit.

Sipas medieve ndërkombëtare, punonjësi thërriste në arabisht dhe më pas iu afrua një vajze 6-vjeçare, e cila po luante. Në ato momente ai bëri sikur po nxjerr një armë.

Pasi pushuesit e panë punëtorin, u larguan me vrap duke bërtitur sepse kujtuan se ishte militant i Shtetit Islamik.

Kjo ngjarje ndodhi 4 muaj pas masakrës në një plazh të Tunizisë, ku një xhihadist vrau 38 turistë të pafajshëm.

“Nuk e kuptuam se çfarë po ndodhte, u frikësuam për më të keqen”, tha  Jade Daines, një nga pushuesit e hotelit. Daines shton se “pjesëtarët e tjerë të stafit filluan të qeshnin”.

VehOqOol

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/punetori-i-hotelit-vishet-si-xhihadist-pushuesit-tmerrohen/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala