Protesta dhe mungesa e votave shtyjnë votimin e Thaçit për president

Autori:Gazeta Fjala

Partitë në pushtet do të presin kalimin e 17 shkurtit për ta caktuar seancën e Kuvendit me të vetmen pikë të rendit të ditës: votimin e presidentit të Kosovës, shkruan sot Koha Ditore.

Megjithëse përgatitjet ishin bërë që seanca të mbahet të hënën, më 15 shkurt, burime të gazetës kanë thënë se kjo ka pak gjasa të ndodhë, pasi partnerët e koalicionit, me përkrahjen edhe të ndërkombëtarëve janë pajtuar që pasardhësin e Atifete Jahjagës ta votojnë pas protestës së opozitës, e paralajmëruar të mbahet Ditën e Pavarësisë.

Përveç kësaj, koalicioni ende nuk i ka të sigurta votat e nevojshme për zgjedhjen e presidentit, ndërsa më 17 dhe 18 shkurt në Kosovë nuk do të jetë as kryetari i Kuvendit, Kadri Veseli, i cili në agjendë ka një udhëtim për në Bruksel.

Kandidati i koalicionit qeverisës për president, Hashim Thaçi, thuhet se dëshiron të sigurohet se nuk do të ketë nevojë të zhvillohen tri raunde votimi, ashtu siç e përcakton Kushtetuta me rastin e zgjedhjes së presidentit.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/protesta-dhe-mungesa-e-votave-shtyjne-votimin-e-thacit-per-president/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala