Produkte nga 12 kompani kosovare prezantohen në Gjermani

Autori:Gazeta Fjala

12 kompani prodhuese e përpunuese nga Kosova nga e enjtja do të prezantojnë dhe shesin produktet e veta në Panairin me të madh të bujqësisë në botë, International Green Week që mbahet nga e enjtja në Berlin. Kosova po merr pjesë në këtë panair në mesin e shumë shteteve të botës. Këto 12 kompani janë dërguar atje nga Ministria e Bujqësisë, Pylltarisë dhe Zhvillimit Rural.

Malli nga Kosova bëhet e ditur se tashmë ka mbërritur në Gjermani dhe se pavijoni i Kosovës prej 100 metrave katrorë është në rregullim.

Ministri Memli Krasniqi është shprehur shumë i lumtur që çdo ditë e më shumë prodhimet nga vendi po kanë mundësi të reja të qasjes në tregun evropian.
“Prezantimi në këtë panair vjen në kohën kur hyn në fuqi MSA dhe kompanitë tona mund të shfrytëzojnë këtë ngjarje të madhe që të kontaktojnë me afarsitë nga mbarë bota, për të parë mundësitë e bashkëpunimit në veçanti për eksport. Ne kemi dërguar atje prodhime shumë të mira dhe unike që padyshim do të lënë shije të mirë për të gjithë vizitorët dhe pjesëmarrësit”, ka thënë ministri Krasniqi.

12 kompanitë nga Kosova që do të prezantohen në këtë panair janë:

1- Agroproduct sh.p.k
2- Hit Flores
3- Besiana
4- Frutomania
5- StoneCastle
6- Pestova
7- Abi Progres
8- Koperativa Krusha
9- Amo
10- Fungo F
11- Sole Kosova
12- Bodrumi i Vjeter

Ministri Memli Krasniqi thotë se ministria po bën përpjekje që edhe në forma të tjera të prezantojë prodhimet e vendit nëpër botë, të cilat po zgjerohen dhe po rrisin cilësinë. Ministri po ashtu theksoi se do të rritet mbështetja e MBPZHR-së për fermat dhe bizneset e përpunimit përmes granteve në mënyrë që ato të rrisin prodhimin, cilësinë dhe të hapin vende të reja pune.
Përveç MBPZHR-së, shkuarjen e prodhimeve nga Kosova në këtë panair e kanë mbështetur edhe GIZ, KIESA, Ministria e Punëve të Jashtme dhe USAID.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/produkte-nga-12-kompani-kosovare-prezantohen-ne-gjermani/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala