Lajme 6 vite më parë

Pritjet në Merdar deri një orë e gjysmë

Autori:Avdyl Pajaziti

Edhe të premten janë duke vazhduar pritjet e gjata në pikëkalimin kufitar në Merdar me ç’rast po zgjasin deri në 1 orë e gjysmë, ndërsa në pikat tjera kufitare situata është më e mirë dhe se nuk ka pritje të gjata. Kështu ka bërë të ditur për KosovaLive zëdhënësi i Policisë së Kosovës, Baki Kelani.

“Gjendja është e qetë sa i përket pritjeve në kufij, në hyrje nuk ka pritje askund ndërsa në dalje në Merdare ka pritje deri në 1 orë e 30 minuta varësisht prej frekuentimit të automjeteve”, ka bërë të ditur Kelani.

Ditëve të fundit janë shtuar pritjet nëpër pikat kufitare Kosovë-Serbi për shkak të ardhjes së mërgimtarëve në Kosovë.

Pritjet më të mëdha mbesin në pikën kufitare në Merdare kurse në pikë-kalimin kufitar tek Dheu i Bardhë, në pikë-kalimin Mutivodë (drejtimi i fshatit Keçekollë) si dhe pikë-kalimi kufitar Muçibabë (Gjilan) në hyrje dhe në dalje thuhet se nuk ka fare pritje të gjata, përveç pritjeve normale.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/pritjet-ne-merdar-deri-nje-ore-e-gjysme/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala