Eko 6 vite më parë

Pritet prodhim rekord i patates

Autori:Avdyl Pajaziti

Ky vit do të jetë i bereqetshëm për kultivuesit e patates të komunës së Vushtrrisë, nëse kushtet klimatike do të jenë të favorshme për pataten, sikurse deri më tani, kanë vlerësuar në Drejtorinë për Ekonomi, Bujqësi dhe Zhvillim në komunën e Vushtrrisë.

Edhe plasimi i prodhimeve në treg nuk do të jetë më problem i madh për prodhuesit e patates, pasi që pothuajse të gjithë prodhuesit e komunës së Vushtrrisë janë kooperues të kompanisë “Vipa Pestova”. Mbase nuk do të ndodhë më, që prodhuesit ta hedhin pataten në lumin Sitnica, për shkak se nuk kanë mundur ta shesin, siç ka ndodhur më përpara, shkruan Zeri.

Arta Haxhaj, drejtoreshë e DEBZH-it, i ka thënë gazetës se komuna e Vushtrrisë është një ndër komunat e para në Kosovë me potenciale të mëdha të prodhimeve bujqësore. Ajo shtoi se rreth 7 mijë hektarë janë përfshirë në sistemin e ujitjes dhe se kultura kryesore bujqësore është patatja.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/pritet-prodhim-rekord-i-patates/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala