Priten arrestime masive në estradën e Kosovës

Autori:Zekirja Shabani

Tashmë janë marrë në pyetje në cilësinë e të dyshuarve këngëtarët Sinan Vllasaliu, Naim Abazi dhe Mihrije Braha, Ramadan Krasniqi, Nysret dhe Afrim Muçiqi. Ata dyshohet për shmangie të tatimeve.

Pjesa më e madhe e yjeve të estradës së Kosovës ka javë që po përballen me intervistime serioze, nën dyshimin se i kanë ikur tatimeve në vlerë prej mbi 200 mijë euro.

Ata janë marrë në pyetje nga zyrtarë të lartë të Administratës Tatimore, të cilët në bazë të informatave të tyre kanë konstatuar se ata në mënyra të ndryshme i janë shmangur tatimeve.

Për këtë është caktuar edhe një prokuror i çështjes. Bëhet fjalë për z. Atdhe Dema.

“Sinan Vllasaliu, Mihrije Braha dhe Naim Abazi, Ramadan Krasniqi, Nysret dhe Afrim Muçiqi tashmë janë marrë në pyetje në cilësinë e të dyshuarve. Ata dyshohet se e kanë shkelur nenin 313 të Kodit Penal – Shmangie nga Tatimi”, mëson Express.

Punën kryesore, sipas burimeve tona, e kanë kryer Administrata Tatimore, e cila ka kohë që është vënë në ndjekje të bizneseve, ose individëve, që në një formë a një tjetër i shmangën pagesës së tatimeve, përkundër të hyrave të mëdha që i realizojnë.

Express mëson se, përveç këtyre, janë duke u hetuar edhe këngëtarë të tjerë, më të ri, por që dyshohet se janë duke gjeneruar të hyra të mëdha, më anë të koncerteve, ose dasmave, por që nuk paguajnë asnjë cent tatime. /gazetaexpress/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/priten-arrestime-masive-ne-estraden-e-kosoves/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala