Prishtina mbetet pa kinema

Autori:Zekirja Shabani

Ka dy javë që nuk është shfaqur asnjë film në kinemanë e vetme të kryeqytetit, ABC në Prishtinë. Një defekt në aparaturën digjitale ua ka pamundësuar qytetarëve të shohin filmat e fundit, të cilët po transmetohen në gjithë botën.

Miradije Vllahiu, drejtoreshë në ABC, ka konfirmuar për Gazetën Fjala se rivënia në punë e kinemasë po merr kohë për shkak të mungesës së pajisjeve në tregun e Kosovës.

“Kinemaja ABC po përballet këto kohet e fundit me probleme teknike për shkak te prishjeve në teknologjinë digjitale. Bashkë me Autoritetin e Likuidimit të AKP-së jemi duke bërë përpjekje të vazhdueshme për të sanuar këtë gjendje që ka vështirësuar funksionimin normal të kinemasë”, ka thënë Vllahiu.

Sipas saj, në tregun e Kosovës nuk ka mundësi te gjenden këto pajisje, si dhe konformë respektimit të procedurave ligjore të domosdoshme, të cilat kanë nevojë për afate kohore janë në kontakt me partneret e kontraktuar për servisim që ti rregullojnë këto probleme./Gazeta Fjala/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/prishtina-mbetet-pa-kinema/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala