Presidentja Jahjaga dekoroi gjyshin e vet

Autori:Avdyl Pajaziti

Gazeta Fjala ka hulumtuar lidhur me dekorimet e fundit. Presidentja e Kosovës, Atifete Jahjaga, ka dekoruar gjyshin e vet me dekoratën “Urdhëri i Lirisë”.

Presidentja e bëri këtë me rastin e shtatë vjetorit të pavarësisë së Kosovës.

Gjyshi i saj, Mehmet Aga Rashkoci lindi në në Rashkoc të Gjakovës me 5 Maj 1906 dhe ndërroi jetë në Nju Jork me 3 korrik 1972

Sipas hulumtimeve të Gazetës Fjala, ai konsiderohet se ishte një ndër nacionalistët atdhetarë më në zë të mërgatës shqiptare në SHBA, i anatemuar nga sllavët, që ia patën torturuar familjen burgjeve, ndërsa atë vetë e patën shpallë “armik” të Jugosllavisë, irredentist që kërcënonte lirinë e federatës.

Atij iu desh që të linte Kosovën më 1948 i përndjekur nga regjimi i atëhershëm, pasi kishte luftuar dy vite nëpër male me armë në dorë i përndjekur nga ushtria sllave dhe forcat e sigurimit shqiptar. Ai vazhdoi veprimtarinë e tij patriotike në Amerikë për gati 25 vjet, kur edhe vdiq dhe prehet trupi i tij.

Presidentja kihte bërë edhe homazhe pranë varrit të tij gjatë një vizite të sajë në SHBA, për të cilën Gazeta Fjala sjellë edhe foton.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/presidentja-jahjaga-dekoroi-gjyshin-e-vet/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala