Politika ndërhyn në drejtësi

Autori:Zekirja Shabani

Kryeprokurori i Shtetit, Aleksandër Lumezi, i ka konsideruar ndërhyrje në punën e Prokurorisë deklaratat e qeveritarëve për rastin “Stenta”.

Ministri i Shëndetësisë, Imet Rrahmani, gjatë mbledhjes se Qeverisë, teksa ka folur për këtë rast, një pjesë të fajit ia ka hedhur edhe Prokurorisë, shkruan sot Koha Ditore.

Rrahmani e ka porositur organin e ndjekjes që të këtë kujdes me identitetin e të dyshuarve. Ka deklaruar se beson në punën e mjekëve.

Deklaratat e qeveritarëve kryeprokurori i Shtetit, Aleksandër Lumezi, i ka cilësuar si ndërhyrje të panevojshme.

Sipas tij, Prokuroria do të nisë të hetojë edhe si kanë përfunduar emrat në media. Ai ka paralajmëruar inicim të rastit për zbulimin e fshehtësisë zyrtare.

Lumezi ka thënë që nuk do të pranojë as ftesat për takim me ministrin Rrahmani.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/politika-nderhyn-ne-drejtesi/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala