Policia “nuk e merr seriozisht” protestën e AAK-ës dhe Nismës

Autori:Avdyl Pajaziti

Policia e Kosovës ka deklaruar se ka ndërmarrë të gjitha masat që sipas planit të saj operativ, të sigurojë mbarëvajtjen e protestës. Por, pjesëtarë të policisë së rregullt shihen në pjesët ku zakonisht në protestat e kaluara,  qëndronin ata të Njësisë Speciale.

Por këtë herë, për protestën e organizuar nga AAK-ja e Nisma, nuk duket mobilizim edhe aq i madh i pjesëtarëve të kësaj njësie.

Faktikisht në vendin e ngjarjes, përreth sheshit “Skënderbeu”, nuk shihen pjesëtarë të Njësisë Speciale, sikurse në protestat ku pjesëmarrëse ishte edhe Lëvizja Vetëvendosje, raporton lajmi.net.

Aktualisht përreth institucioneve ka policë, por ata  nuk kanë mbrojtëse e shkopinj prej gome. Policët kryesisht po merren  vetëm me kujdesën për sigurinë e qytetarëve që kalojnë andejpari.

Për protestë paqësore kanë bërë thirrje dje edhe kryetarët e dy partive opozitare, Ramush Haradinaj e Fatmir Limaj.

Në anën tjetër, Daut Hoxha,  zëdhënës i Policisë së Kosovës,ka thënë se forcat e rendit kanë bërë të gjitha përgatitjet e nevojshme.

Sipas tij, qëllimi i angazhimit policorë është siguria e përgjithshme në vend./lajmi.net

13242080_10208882789858243_1677286962_oFoto nga sheshi 'Skenderbeu'13224175_10208882796938420_315258377_o13225236_10208882798818467_2138781851_o

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/policia-nuk-e-merr-seriozisht-protesten-e-aak-es-dhe-nismes/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala