Policia arrestoi 10 veteranë bashkë me kryetarin Qeriqi

Autori:Zekirja Shabani

Zëdhënësja në policinë e Kosovës, Flora Ahmeti ka konfirmuar arrestimin e disa protestuesve veteranë.

Ahmeti ka thënë se janë arrestuar gjithsejtë dhjetë persona e jo katër, shkruan Indeksonline.

“Janë arrestuar dhjetë persona për shkak të sjelljeve të dhunshme gjatë protestës, dhe dëmtimit të pronës. Aktualisht janë duke u intervistuar dhe prokurori do të vendosë më tej”, ka thënë Ahmeti.

Ndërsa vetë policia konfirmon arrestimin e dhjetë veteranëve protestues, burime të sigurta njoftojnë se ndër ta është edhe Xhevdet Qeriqi, kryetar i Këshillit për mbrojtjen e të drejtave të veteranëve.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/policia-arreston-10-veterane-bashke-me-kryetarin-qeriqi/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala