Polici që distancohet nga veprimet e fundit të Policisë së Kosovës

Autori:Avdyl Pajaziti

Një polic i Kosovës, Ajet Duli përmes një shkrimi dërguar medieve ka thënë se distancohet nga veprimet e fundit të Policisë, ndërkohë që mbron qëndrimet e ish-liderit të Vetëvendosjes, Albin Kurti. Telegrafi ka kontaktuar policin në fjalë, i cili konfirmoi se qëndron prapa shkrimit dërguar medieve.

Ai bëri të ditur për Telegrafin se që nga viti 2000 është pjesëtar i Policisë së Kosovës.

Lexoni postimin e plotë të Ajet Dulit, që pretendon se është polic i Kosovës:

“Dua që publikisht të deklarohem se distancohem nga këto veprime të Qeverise ,Gjygjsisë dhe Policisë së Kosoves karrshi veprimeve ndaj Albin Kurtit dhe djemëve e vajzave qe janë pjesë e kësaj Levizje. Si ish i burgosur politik, si pjesëtar i UCK-ës , e tani si pjesëtar i Policisë se Kosovës, e si veprimtar e aktivist shumëvjeçar nuk mund të qëndroj indiferent në këto çaste, kur po mirren masa ndaj këtyre aktivistëve që janë e tashmja dhe e ardhmja më sublime e këti populli. Duke e njohur për së afermi Albin Kurtin që nga viti 1996 dhe duke ditur veprimet, qëndrimet, pëkushtimin dhe sakrificën e këtij titaniku të çështjes sonë kombëtare, por edhe veprimet e tij shtetformuese pas luftës duke u përballur e duke qendruar stoik me të gjithë kundërshtarët e ndertimit të Shtetit të Kosovës. Albini e shokët e tij u bënë pengesë e të gjithë atyre keqbërsëve të sojit dhe sorollatit të pa parë, e të uritur për karierë , për pasuri , e për tenderomani ….Albini , së bashku me ithtaret e vet bëri demaskimin e të gjithëve, qofshin shqiptarë apo ndërkombëtarë. Po mbi të gjitha këta veprimtarë u bënë gardian te mbrojtjës së Kosovësë nga qarqet shoviniste e fashiste të Qeverisë së Serbisë të cilët i nxoren projektet antishqiptare për coptimin dhe paralizimin e jetës në Kosovë. Mjerisht në këtë valle antishqiptare u përfshinë edhe disa bashkëpuntorë te vjetër e të ri, me vetëdije a pavetëdije, me shantazhime e me interesa personale, klanore, provincionale …Lëvizja Vetvendosje në krye me Albinin e me shokë është e tashmja dhe e ardhmja e këtij vendi, e ketij populli. Kushdo qoftë që del dhe i kundëershton këta veprimtarë të denjë të shqiptarisë do të përfundojnë si reaksionarë e si shumë bashkëpuntorë te Serbisë të llojit te Ali Shukriut e Rrahman Morines…”. /Telegrafi/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/polici-qe-distancohet-nga-veprimet-e-fundit-te-policise-se-kosoves/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala