Lajme 6 vite më parë

Plagoset rënd një shqiptar në Itali

Autori:Avdyl Pajaziti

Një shqiptar është plagosur rënd në Itali, pasi ka tentuar të hyjë për të vjedhur në shtëpinë e një pensionisti 79-vjeçar. Ngjarja ka ndodhur në Torino dhe 39-vjeçari i plagosur është dërguar në spital.

Jeta e tij nuk është në rrezik, por rrezikon të mbetet i paralizuar. Ndërkohë, dy bashkëpunëtorët e tij (nuk dihet nëse janë edhe ata shqiptarë), janë larguar me vrap sapo kanë dëgjuar të shtënat e armës.

Në vendngjarje kanë mbërritur forcat e policisë, të cilët kanë marrë në komisariat pronarin e apartamentit dhe po hetojnë.

Sipas shtypit italian, shqiptari quhet Flori Eollaj, 39 vjeç dhe është goditur në shpatull. Fillimisht ai u transportua në spitalin e Cirie, pastaj u transferua në repartin e neurokirurgjisë, ku mjekët kanë realizuar një ndërhyrje delikate kirurgjikale. Plumbi ka prekur kolonën vertebrale dhe ai rrezikon të mbetet i paralizuar.

Policia ka ngritur postblloqe të shumta në zonë për të ndaluar dy bashkëpunëtorët e tjerë, të cilët u larguan. Për momentin nuk janë marrë masa ndaj pensionistit, arma e të cilit rezulton të ketë qenë me leje.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/plagoset-rend-nje-shqiptar-ne-itali/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala