Piloti vrasës: Do të bëj diçka që emri im të mbahet mend

Autori:Avdyl Pajaziti

 

 

Piloti vrasës Andreas Lubitz i ka thënë ish të dashurës së tij se po planifikonte një akt nga i cili do të mbahej mend përgjithmonë emri i tij, raportojnë sot mediet gjermane.

 

Ish e dashura e tij ka thënë se Lubitz ishte një njeri i çmendur që ka mundur të fshehë mendimet e tij negative dhe se shpesh ishte zgjuar gjatë natës duke bërtitur: “ne po rrëzohemi”.

 

Në një intervistë për gazetën gjermane “Bild”, ajo ka treguar se Lubitz vitin e kaluar i kishte thënë: “Një ditë do të bëj diçka që do të ndryshoj gjithë sistemin dhe pastaj të gjithë do më njohin dhe do më kujtojnë”.

 

Kur ajo dëgjoi për rrëzimin e aeroplanit Germanwings të martën, menjëherë iu kujtua profecia e Lubitzit.

 

“Nuk e dija se çfarë donte të thoshte, por tani e kam kuptuar”, ka thënë ajo për gazetën “Bild”, transmeton Koha.net.

 

Problemet e tij personale dhe sjellja e keqe ishin aq të shpeshta sa ajo ishte e frikësuar dhe vendosi të ndahej nga piloti.

 

“Kur dëgjova për rrëzimin e aeroplanit, në kokën time filluan të më kujtoheshin momentet kur ai shpesh më thoshte: ‘Një ditë do të bëj diçka që do të ndryshoj gjithë sistemin dhe pastaj të gjithë do më njohin dhe kujtojnë”.

 

Policia pritet ta intervistojë ish të dashurën e tij që spekulohet se ishte e fejuar me Lubitzin dhe vitin e ardhshëm pritej të martohej me të.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/piloti-vrases-do-te-bej-dicka-qe-emri-im-te-mbahet-mend/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala