Pesë emigrantë të plagosur gjatë përleshjeve me policinë (VIDEO)

Autori:Avdyl Pajaziti

Përkeqësohet situata në kufirin mes Maqedonisë dhe Greqisë.Policia është përleshur me emigrantët gjatë tentativës për të ndalur futjen e tyre në territorin maqedonas.

Policia përdori gaz lotësjellës për të shpërndarë emigrantët nga Lindja e Mesme, të cilët po tentonin të hynin në territorin e vendit, për të vazhduar më pas në Serbi dhe në vendet e BE-së.

Në këto përleshje me policinë janë plagosur 5 emigrantë.

Mbi 3 mijë emigrantë kanë kaluar natën në qiell të hapur, duke tentuar për të hyrë në territorin e vendit.

Emigrantët janë ankuar për dhunë dhe terror të ushtruar nga ana e policisë maqedonase. Ndërkohë dje një polic u qëllua me thikë nga një emigrant.

Maqedonia u shëndërrua në rrugë kryesore tranzitore për emigrantët e huaj, ku mbi 40 mijë emigrantë sirian kanë kaluar nëpër rrugët e saj vetëm gjatë muajve të fundit. /albeu.com/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/pese-emigrante-te-plagosur-gjate-perleshjeve-me-policine-video/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala