Përurohet segmenti i parë i autostradës “Arbën Xhaferi”

Autori:Gazeta Fjala

Është bërë përurimi i kryqëzimit të autostradave “Ibrahim Rugova” e “Arbën Xhaferi”.

Shiritin e segmentit të parë të autostradës Prishtinë-Shkup e prenë Ministri i infrastrukturës Lutfi Zharku, Kryepalamentari Kadri Veseli, Ambasadorja e Turqisë në Kosovë Kivilcim Kiliç dhe ambasadori Gregory Delawie, transmeton Gazeta Fjala.

Në këtë ceremoni po marrin pjesë gati i gjithë kabineti qeveritar i prirë nga kryeministri Isa Mustafa, i cili me këtë rast e përsëriti se zhvillimi ekonomik mbetet prioriteti i qeverisë së tij.

Ai tha se do të vazhdojnë me ndërtimin e autostradës për Gjilan më pas për Podujevë si dhe ndërtimin e rrugës së Mitrovicës.

Ndërtimi i kësaj autostrade ka filluar në korrik të vitit 2014, ajo do të jetë e gjatë 60 kilometra. Kostoja financiare e saj pritet të jetë 600 milion euro./ Gazeta Fjala/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/perurohet-segmenti-i-pare-i-autostrades-arben-xhaferi/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala