Persona të maskuar grabisin ‘Al Petrol’-in në Vushtrri

Autori:Avdyl Pajaziti

Mbrëmë rreth orës 3:00 pas mesnate persona të maskuar dhe të armatosur kanë grabitur pikën e karburanteve të “Al Petrol” në rrugën “Faruk Beqiri” në Vushtrri, kanë bërë të ditur burime të lajmi.net.
Grabitja është konfirmuar edhe nga Policia e Kosovës. Zëdhënësi i Policisë Rajonale të Mitrovicës, ka thënë për lajmi.net, se persona dy persona të maskuar dhe të armatosur kanë grabitur një pikë karburanti në Vushtrri, nga ku kanë arritur të marrin 200 euro.

Zahiti ka thënë se në bazë të deklaratave të dy punëtorëve, në këtë rast të raportuar si viktima, grabitja është kryer nga dy persona të maskuar, të cilët edhe kanë shtënë dy herë në ajër me armë.

Policia sipas Zahitit, ka dalë në vendngjarje dhe ka gjetur një gëzhojë, ndërsa është duke vazhduar me procesin hetimor të rastit. Përveç kanosjes, të dyshuarit nuk kanë sulm tjetër ndaj punëtorëve të pikës së karburanteve.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/persona-te-maskuar-grabisin-al-petrol-in-ne-vushtrri/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala