Përkujtohet 26 vjetori i “Masakrës së Malishevës”

Autori:Zekirja Shabani

Në Malishevë, është përkujtuar 26 vjetori i “Masakrës së Malishevës”. Në këtë masakër mbetën të vrarë Hysni Mazreku dhe Ali Kryeziu.

Kjo ngjarje, është shënuar me nderime dhe homazhe në vendin e vrasjes dhe në varrezat e të vrarëve.

Përveç familjarëve, nderime dhe homazhe kanë bërë, nënkryetari i Komunës së Malishevës, Rexhep Mazreku, kryesuesi i KK të Malishevës, Aziz Thaçi, të shoqëruar nga drejtorët e drejtorive komunale, anëtar të Kuvendit të Komunës së Malishevës dhe qytetarë të tjerë.

Më 30 janar të vitit 1990, forcat policore serbe, pa mëshirshëm kanë hapur zjarr mbi popullatën, që në mesditën e asaj date, gjendeshin në Malishevë, dhe me këtë rast janë vrarë Hysni Mazreku dhe Ali Kryeziu, si dhe janë plagosur njëmbëdhjetë persona të tjerë, kurse janë rrahur e maltretuar edhe shumë qytetarët të Komunës së Malishevës.

Kjo ngjarje, përveç që njihet si “Masakra e Malishevës”, në historinë e re të Kosovës, njihet edhe si reagimi i parë institucional, pasi udhëheqja e asaj kohe e Komunës së Malishevës, me në krye ish kryetarin Daut Krasniqi, dhe deputetët e Kuvendit të Kosovës nga Malisheva, patën reaguar ashpër, duke kërkuar përgjegjësi nga organet e atëhershme dhe të cilët publikisht, këtë ngjarje, e cilësuan si krim kundër njerëzimit./telegrafi/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/perkujtohet-26-vjetori-i-masakres-se-malisheves/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala