Përgatituni për eklipsin e sotëm diellor

Autori:Avdyl Pajaziti

Në Evropë dhe disa pjesë të Azisë dhe Afrikës do të ndodhë sot eklipsi diellor.

Kjo dukuri ndodh kur Hëna kalon mes Tokës dhe Diellit, duke errësuar tërësisht ose pjesërisht imazhin e Diellit për shikuesit në Tokë.

Eklipsi i plotë do të jetë i dukshëm në ishujt Faroe të Danimarkës dhe në arkipelagun Svalbard të Norvegjisë.
Eklipsi do të fillojë në orën 9 e 37 minuta , maksimumi do të jetë në orën 10:45. ndërsa do të përfundojë në orën 11:56 minuta. Gjatë maksimumit do të shihen 43,5 për qind nga disku i Diellit.

“Klubi i Astronomëve Amatorë të Kosovës”, sot, nga ora 09 deri në orën 12 organizon shikim kolektiv të eklipsit në sheshin “Zahir Pajaziti”. Rekomandohet dhe kërkohet që eklipsi të shihet me syze speciale apo me maska për saldim me faktor mbrojtës më të lartë se 13.

Fenomeni kur Hëna zbret tek Dielli për herë të fundit ishte më 4 janar të vitit 2011, ndërsa eklipsi tjetër i pjesshëm që do të mund të shihet te ne pritet më 21 janar të vitit 2020.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/pergatituni-per-eklipsin-e-sotem-diellor/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala