Eko 6 vite më parë

Pensionisti, në krye të KOSTT-it

Autori:Avdyl Pajaziti

Naim Bejtullahut i është vazhduar mandati si ushtrues detyre i kryeshefit ekzekutiv në Operatorin e Sistemit, Transmisionit dhe Tregut (KOSTT), pavarësisht se do të duhej të dilte në pension, pasi që ka disa muaj që ka mbushur 65 vjeç.

Një vendim të tillë për Bejtullahun e ka marrë më 1 tetor Bordi i Drejtorëve të KOSTT-it.

Zana Bajrami-Rama, menaxhere e Zyrës për Komunikim dhe Relacione me Publikun në KOSTT, ka konfirmuar për gazetën “Zëri” se Bejtullahu tashmë ka mbushur 65 vjeç dhe në fakt do të duhej të dilte në pension.“Po, Bejtullahu ka mbushur 65 vjeç”, ka thënë ajo.

Megjithatë, zyrtarët e KOSTT-it e kanë arsyetuar këtë veprim, duke u thirrur në Ligjin për Ndërmarrjet Publike. Bejtullahu është emëruar nga Bordi i Drejtorëve si ushtrues detyre i kryeshefit ekzekutiv të KOSTT-it deri në zgjedhjen e kryeshefit ekzekutiv të ri, për të cilin gjatë javës së ardhshme do të shpallet konkursi publik.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/pensionisti-ne-krye-te-kostt-it/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala