PDK reagon për grupin e Drenicës

Autori:Avdyl Pajaziti

Partia Demokratike e Kosovës ka reaguar ndaj aktvendimit të shpallura dje ndaj “Grupit të Drenicës”, duke thënë se drejtësia duhet të udhëhiqet nga faktet dhe dëshmitë kredibile.

Këtë e pret PDK edhe në trajtimin deri në fund të procesit ndaj “Grupit të Drenicës”, por edhe në çfarëdo procesi dhe në çfarëdo gjykate në të ardhmen.

Ja komunikata e plotë e PDK-së:

Me besimin e plotë se lufta e UÇK-së ka qenë e drejtë dhe e pastër, çdoherë kemi përkrahur çdo proces gjyqësor që ka trajtuar bashkëluftëtarët tanë, të bindur se pafajësia e tyre nuk mund të ndryshohet.

Kjo bindje e jona u vërtetua në proceset gjyqësore të zhvilluara në Hagë dhe Kosovë, në të cilat çdo herë u vërtetua bindja e jonë se lufta e UÇK-së dhe ushtarët e saj, kanë qenë të udhëhequr nga ndjenja e barazisë dhe lirisë.

Kemi qenë të bindur gjithmonë se gjyqet do të udhëhiqen nga faktet dhe dëshmitë e vërtetuara dhe nuk do te ndikohen nga dëshmitë e fabrikuara me motive armiqësore, personale apo politike ndaj UÇK-së apo të dyshuarve.

Aktvendimet e shpal lura dje, ndaj “Grupit të Drenicës”, për opinionin kosovar janë të papritura, shqetësuese dhe të dëmshme për Kosovën.

Lufta e UÇK-së ka qenë e drejtë dhe e pastër, drejtësia duhet të udhëhiqet nga faktet dhe dëshmitë kredibile.

Këtë e presim edhe në trajtimin deri në fund të procesit ndaj “Grupit të Drenicës”, por edhe në çfarëdo procesi dhe në çfarëdo gjykate në të ardhmen.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/pdk-reagon-per-grupin-e-drenices/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala