Pak biznese të grave në Kosovë  

Autori:Zekirja Shabani

Prej mbi 100 mijë bizneseve sa i ka Kosova, vetëm 11 për qind të tyre udhëhiqen nga pronare femra.

Arsye për këtë thuhet se është korrupsioni, konkurrenca e pabarabartë, ekonomia informale, e shumë faktorë të tjerë. Kështu është vlerësuar të enjten në Qendrën Informative dhe Kulturore të BE-së në Prishtinë,ku u diskutua për pjesëmarrjen e grave në biznes, si dhe motivimin e tyre kah ky aspekt.

Lëndita Kastrati, drejtoresha ekzekutive e Dhomës Ekonomike të Grave të Kosovës G7, tha se prezenca e gruas në biznes është shumë e vogël në krakashim me mesataren e vendeve të rajonit (33 përqind), dhe mesataren globale (38 përqind).

“Në Kosovë kemi 11 % të bizneseve në pronësi të grave, prej tyre 95% janë biznese të vogla dhe mikro biznese që numërojnë 1-10 punëtorë. Barrierat kryesore për gratë ne biznes janë: korrupsioni, konkurrenca e pabarabartë, ekonomia informale, e shumë faktorë të tjerë”, tha Kastrati.

Në këtë diskutim është bërë e ditur se problemet me të cilat gratë në biznes ballafaqohen, janë kryesisht eknomia informale e mosfunksionimi i gjykatave.

Edhe drejtori i institutit për hulumtime zhvillimore “Riinvest”, Lumnir Abdixhikut, ka thënë se  gratë janë në disfavor në krahasim me burrat.

“Në aspektin e të bërit biznes, biznesi I burrave ka 7puntorë, ndërsa ai I një gruaje ka përgjysmë më pak. Biznesi I një mashkulli ka qarkullim 50 mijë euro, ndërsa biznesi I një gruaje ka vetëm 20 mijë euro”, ka thënë Abdixhiku.

Ndërkaq, graatë të cilat tashmë zhvillojnë aktivitete afariste, vlerësojnë se kriza e tanishme në Kosovë, në veçanti në fushën e ekonomisë, duhet të shihet si një mundësi për të kapitalizuar potencialin e fjetur të grave në ndëmarrësi.

Arzana Mulolli nga Agjencia Rajonale për Zhvillim, u ka bërë thirrje të gjithëve se fondet të cilat jipen nga BE duhet të përdoren në përmirsimin e konkurrencës së bizneseve, përmirsimin e fuqisë punëtore dhe rritjen e punësimit.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/pak-biznese-te-grave-ne-kosove/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala