Paga mesatare e minatorëve të Trepçës, 625 euro

Autori:Avdyl Pajaziti

Drejtori i “Trepçës”, Ahmet Tmava, ka thënë se paga mesatare e punëtorëve në nivel të “Trepçës” është 525 euro, ndërsa paga e minatorëve është 625 euro. Sipas tij, gjatë muajit qershor është arritur rekord ku janë prodhuar mbi 15 mijë tonë xehe.

Me gjithë problemet e mëdha, optimizmi nuk e ka lëshuar për asnjë cast drejtorin e përgjithshëm të “Trepçës”, Ahmet Tmava.

Ai beson se “Trepça” mund të ecën përpara, nëse shteti punon për ta nxjerrë atë nga AKP-ja dhe për t’ia kthyer kompleksin institucioneve të Kosovës dhe qytetarëve të saj.

Ai vazhdon t’i fajësojë institucionet e shtetit të Kosovës, se asnjëherë nuk janë marrë seriozisht me “Trepçën” dhe me problemet me të cilat është përballur dhe vazhdon edhe më tutje të përballet.

Por, edhe përkundër vështirësive, drejtori Tmava pohon se në “Trepçë” është shënuar rekord i prodhimit. /Zëri

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/paga-mesatare-e-minatoreve-te-trepces-625-euro/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala