Opozita: Vazhdimi i seancës natën tensionon edhe më shumë situatën

Autori:Gazeta Fjala

Partitë opozitare edhe një herë kanë bërë thirrje që të mos vazhdohen seancat e Kuvendit pa u tërhequr marrëveshjet me Serbinë dhe demarkacioni me Malin e Zi.

Në një komunikatë të dërguar për media, partitë opozitare vlerësojnë se vazhdimi i seancës natën tensionon situatën më tutje.

“Kadri Veseli nuk e mbajti fjalën për 1 orë pauzë. Ai e shtyu pauzën deri në orën 20:00. Zhvillimi i seancës natën, nën rrethim policor të Kuvendit dhe nën masa të rrepta sigurie brenda Kuvendit, duke ndërruar sallën – me rrezikun që të mos i lejojë mediet brenda, do të shpie në tensionim të mëtutjeshëm të situatës”, thuhet në reagimin e partive opozitare.

Sipas opozitës, jo rastësisht Kadri Veseli zgjodhi natën për të vazhduar seancën.

“Ai po do që të tentojë vazhdimin e seancës natën, ngase nata ka qenë përherë koha e preferuar e tij, për të zhvilluar aktivitete kundërshtetërore”, konsideron Opozita.

“Opozita bën thirrje edhe njëherë që të mos vazhdohen seancat e Kuvendit pa u tërhequr marrëveshjet me Serbinë dhe demarkacioni me Malin e Zi. Ne do ta mbrojmë Republikën dhe nuk pranojmë asnjë kompromis në këtë kauzë”, përfundohet në komunikatën për media të Opozitës.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/opozita-vazhdimi-i-seances-naten-tensionon-edhe-me-shume-situaten/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala