Opozita injoron ambasadorët e QUINT-it

Autori:Avdyl Pajaziti

Opozita kosovare nuk do të tërhiqet nga vendimi për bllokimin e Kuvendit, pavarësisht kritikave të vazhdueshme që po i merr nga përfaqësuesit e vendeve të QUINT-it. Madje, opozitarët thonë se kërkesa e ndërkombëtarëve për zhbllokimin e Kuvendit është e arsyeshme, por, sipas tyre, një gjë e tillë varet tërësisht nga tërheqja e Qeverisë së Kosovës prej marrëveshjeve për Asociacionin dhe për Demarkacionin.

Një nga kritikuesit e mëdhenj të bllokimit të punës së Kuvendit të Kosovës është edhe ish-kongresisti amerikan, Eliot Engel, i cili në urimin e tij për nënshkrimin e Marrëveshjes së Stabilizim-Asociimit ka kërkuar që të hiqet dorë nga bllokimi i punës së Kuvendit dhe nga përdorimi i dhunës. “Më duhet të shpreh shqetësimin tim për situatën aktuale politike. Së pari dhe gjithmonë dhuna nuk ka vend në politikë, shkruan “Zëri”.

Opozita ka të drejtë të shprehë pikëpamjet e veta dhe ato të dëgjohen nga Qeveria. Por gazi lotsjellës dhe trazirat nuk kanë vend në sheshin publik dhe ato ndihmojnë dhe forcojnë pikëpamjet që do ta mohonin njohjen e Kosovës dhe prosperitetit që meriton”, thuhet ndër të tjera në mesazhin e Engel.

Në anën tjetër zëdhënësi i Lëvizjes “Vetëvendosje”, Frashër Krasniqi, ka thënë për “Zërin” se zbatimi i marrëveshjeve me Serbinë dhe me Malin e Zi do ta bëjnë Kosovën shtet jofunksional, të ndarë etnikisht, me potencial për trazira e konflikte dhe pa perspektivë për zhvillim ekonomik e rrjedhimisht, sipas tij, kjo do ta bëjë të pamundur integrimin në Bashkimin Evropian. /Zëri/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/opozita-injoron-ambasadoret-e-quint-it/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala